YOYARLAY

အီဂျစ်တွင် အာဏာရှင်စနစ် အဆုံးသတ်ပြီဟုဆို

22 June 2012  |

By Popular News

အီဂျစ်သမ္မတ ရွေးကောက်ပွဲ ဒုတိယအကျော့တွင် မိမိ တို့ပါတီ ကိုယ်စားပြု သမ္မတလောင်း

မိုဟာ မက်မော်ဆီ သည် ဝန်ကြီးချုပ်ဟောင်း အာမက်ရှာ ဖစ်အား အနိုင်ရခဲ့ပြီး ဆယ်စုနှစ် ခြောက်စုတာမျှ စစ်အာဏာရှင် အုပ်ချုပ်ရေးကို အဆုံးသတ်နိုင်ခဲ့ပြီဟု မွတ်ဆလင်ဘရားသားဟုဒ် အဖွဲ့က ဇွန်လ ၁၇ ရက်တွင် ထုတ်ပြန်ကြေညာခဲ့သည်။

သို့ရာတွင် သမ္မတ ရွေးကောက်ပွဲ ဒုတိယအကျော့ မတိုင်မီ နှစ်ရက်အလို ဇွန်လ ၁၄ ရက်တွင် အီဂျစ်လွှတ်တော်မှာ တရားမဝင်တော့ကြောင်း၊ တရားရုံးချုပ်က ကြေညာခဲ့ပြီး ဒုတိယအကျော့ရလဒ် မကြေညာမီတွင်ပင် ယခုအချိန်အထိ တိုင်းပြည်အုပ်ချုပ်ရေးအာဏာ ရယူထားသော စစ်ဘက်ကောင်စီက ၎င်းတို့သည်သာ ဥပဒေပြုအာဏာ အပြည့်အဝရှိသော အဖွဲ့အစည်းတစ်ခုဖြစ်ကြောင်း ကြေညာခဲ့ပြီး ဖွဲ့စည်းပုံ အခြေခံဥပဒေကို ရေးဆွဲမည့် အဖွဲ့အား ၎င်းတို့ကိုယ်တိုင် အဖွဲ့ဝင် ၁၀၀ ဖြင့် ဖွဲ့စည်းသွားမည်ဟု ထုတ်ပြန်ကြေညာခဲ့သည်။

ထို့ကြောင့် လွှတ်တော် မရှိ၊ ဖွဲ့စည်းပုံ အခြေခံဥပဒေ မရှိသေးသည့် နိုင်ငံတွင် သမ္မတတစ်ဦးက မည်ကဲ့သို့ အုပ်ချုပ်စီမံရမည်မှာ မေးခွန်းထုတ်ဖွယ် ဖြစ်လာပြီး စစ်ဘက်ကောင်စီက အာဏာမစွန့်လို၍ ရည်ရွယ် လုပ်ဆောင်ခဲ့သည်ဟူသော ဝေဖန်မှုများ ရှိနေသည်။ Brotherhood's Freedom and Justic Party (BFJP) ၏ တရားဝင် ဝက်ဘ်ဆိုက်တွင် “မိုဟာမက်မော်ဆီက အီဂျစ်ရဲ့ လူထုက ရွေးချယ်တဲ့ ပထမဆုံး သမ္မတတစ်ဦးပါ” ဟု ဖော်ပြထားသော်လည်း အာမက်ရှာဖစ်ကဲ့သို့သော မူဘာရက် အစိုးရ အဖွဲ့ဝင်ဟောင်းများကမူ ရွေးကောက်ပွဲကို ပြန်ပေးဆွဲခံရခြင်းဟု ဝေဖန်ကြသည်။

သမ္မတဟောင်း မူဘာရက် အစိုးရ ပြုတ်ကျပြီးချိန်မှစ၍ ယခုအချိန်အထိ အုပ်ချုပ်ရေးအာဏာ ရယူထားသော စစ်ဘက်ကောင်စီက အခြေခံဥပဒေကို ငါးလအတွင်း အပြီး ရေးဆွဲသွားမည်ဖြစ်ပြီး လွှတ်တော်တွင် အတည်ပြုကာ ဒီမိုကရေစီစနစ်သစ်ဆီသို့ အခြေခံဥပဒေသစ်နှင့်အညီ ကူးပြောင်းသွားမည်ဟု ထုတ်ပြန်ကြေညာထားသော်လည်း နိုင်ငံတစ်ဝန်းမှ လူထုများက ထိုထုတ်ပြန်ချက်အား မကျေနပ်ကြသောကြောင့် ဆန္ဒပြပွဲများ ပြန်လည်ဖြစ်ပွားလာနိုင်ခြေ ရှိသည်ဟု ကျွမ်းကျင်သူတို့က သုံးသပ်သည်။ အဆိုပါ ထုတ်ပြန်ကြေညာချက်နှင့် ပတ်သက်၍ မွတ်ဆလင် ညီရင်းအစ်ကိုများအဖွဲ့က ကျောထောက်နောက်ခံပြုထားသော BFJP ပါတီက မည်သည့်မှတ်ချက်မျိုးမှ ထုတ်ပြန်ခြင်း မရှိသေးကြောင်း သိရသည်။

ကျော်ရဲလင်း Ref:Reuters